الأربعاء، 29 مايو 2013

موسى بن جعفر يكلّم العباس

.گومي خل نرجع سوه _حلمي السعد

خيه امشي وعيوني تصد صوب البنيه 
والتفت والگه الضعن كله رقـــــيه
انتي للريه الهوى ....گومي خل نرجع سوه 
منين اجتني الشام بعد الغاضريه 
**************** 
ياعزيزة امـــــــــــــنه ياسلوة ابـونه 
وياحلم لاعب جفن عــــمتي الحنونه 
الدهر والمكتوب گوه يفارگــــــونـه 
عليج اريد اعمي النظر وهدم جفونه
خيه روحج الغـــــــضه تعـــذبها المنيه
يوم فگدج صار اشد من كل رزيه
نحلفج براعي اللوى ....گومي خل نرجع سوه
منين اجتني الشام بعد الغاضريه
**************************
يااعز من روحي وشريكة مصابي
ردّتي لوحدي تزيدلي عــــــــــذابي
اندهج وانطر ترديلي جــــــــــوابي
واعتب وبلكت يهز روحــج عتابي
خيه عايشه بـــــــحلمي ترد اختـــي اليه
راشده تگلي يسكنه وهاي نـــــيه
گلبي بالفرگه انجوه ....گومي خل نرجع سوه
منين اجتني الشام بعد الغاضريه
***********************
احـــــنه نيتنه نرد لديار اهـــــلنه
محملين اشواگنه لاهل المـــــحنه
انطيني رايج لو لبو اليمه وصلنه
شنهي ردنه يختي لوعنج نشدنـه
خيه انگله بارض الشام عفناها رميه
لو بقت عد العده بتك سبــــيه
وانتي لجروحه الدوه .....گومي خل نرجع سوه
منين اجتني الشام بعد الغاضريه
********************
روحي يحبيبه فلا يحـــــله سمرها
ونار تسعربـــــــيه مايطفا جمــرها
اختي بتراب المنيه اشتــــــد اسرها
ولاتمر بيه بعد لا انــــــــــــه امرها
خيه مااصدگ شوفــــــتج تصعب عليه
راحت اختي ياخلگ من بين اديه
الگلب منج ماروه ....گومي خل نرجع سوه
منين اجتني الشام بعد الغاضريه
**********************
لو يطاوعني الجدم وامشي واعوفج
شلون من گلبي ازيحن كل حروفــج
ولون جف ايدي نسه لمسة جفوفــج
مظن عــيني تنام وتفارگ طيوفـــج
خيه جنت احــــسن بيج من اهلي هديه
وبيج وصاني ابوي انتي الوصيه بموتتج عمري انطوى...گومي خل نرجع سوه
منين اجتني الشام بعد الغاضريه
******************
يالوزنتي ورجـح بس ميزان صبرج
حيريتي الكـــــــــــون كله بهذا امرج
عشگتي قانون الولايه بزغــر عمرج
زغيره گالوا واكبر من الدنيه گدرج
خيه انتي اوفه من وفه الخاطر وليه
وانتي اول من نذر عمره لابيه
عليج دلالي التوى ....گومي خل نرجع سوى
منين اجتني الشام بعد الغاضريه
*********************
يمه تستاحش رقيه اختي خـــــــطـيه
لو حدى الحادي وتجن ذيج المسيـــه
وعنها رحنه ودرنه صوب الغاضريه
تظل تسامر ليلها اوحـــــشه البـــــنيه
خيه سوده بعدج دنيــــــــتي ماهي هنيه
اذكر ايام لي عشناها سويه
بدربي امر بنينوى ....گومي خل نرجع سوه
منين اجتني الشام بعد الغاضريه
******************
اسالكم الدعاء لي ولوالديّ
خادم اهل البيت (عليهم السلام)
حلمي السعد

شعنـدك مــن إهمــوم إحـﭼــي_كريم الحاج فليح



شعنــدك مــن إهمـــوم إحـــــي ... آهٍ يـا لــيــل
وآنــه إشكــي همـومـي ونبـــي ... آهٍ يـا لــيــل
آنــــه ويــــاك وآهـــاتـــــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
عنـدي إسـوالـف آنـه هــواي يــا ليلــي
خلـي إحـيهـن وتـالـي إنـت تحـيلـي
بعـدنـي إبعــز شبـابـي وإنهـدم حيلـــي
مـت مــن إمشــي إولادي التتـيلــي
مـن إبــاي ومـن نـوحــي ... آهٍ يــا لــيــل
خِلصت حَسيـت إبـروحــي ... آهٍ يــا لــيــل
جيـت إبــونـتـي وحسـراتـي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
فــاطمتــك مصايــب نــزلـــت البيهــــا
تهــد حيــل الإرض وإتهــد رواسيهــــا
همــوم الـدنيــه صبــن كلهــن إعليهــــا
العــذر يـا يلــيــل إتحمــــل بــوايهــــا
الـدمعه إموشلـه منعيــونـي ... آهٍ يــا لــيــل
وإعلـه إبــاي إيلـومـونـي ... آهٍ يــا لــيــل
اِسمـع وإبــي الـوَنـاتــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
إبـــدي إمنـالسقيفــه الغِــدرَت إحبـابــي
وبالغاصب حقـوقـي وهَيَّــج إمصـابــي
لـــو بـالخَلـــه نــــاره تلهـــب إبــابـــي
والــراد إبصـلافــه يهتـــك إحجــابـــي
والسطــرة الإكلــت خـــدي ... آهٍ يــا لــيــل
مـدري إبيـا هـم آنــه إبــدي ... آهٍ يــا لــيــل
مفطـَـر لبــي بلــوعــاتــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
دفـــع بــابــي عَلـــيَّ الــمـالـــه إمــــروه
نِبَـــت بسمـــاره بيــــه وآنــــــه إتلـــــوّه
علـى ضلـوعـي دَفِعتــه صـارت إبقـــوه
مثــل بلــواي مـا صـارت إبــــد بلـــــوه
ومـن صحـت إحـا يضلـوعـي ... آهٍ يــا لــيــل
نـزلـــت عـالخَـــد إدمــوعــي ... آهٍ يــا لــيــل
بـس مـا سمعــت شمـاتــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
نــــار المحســـن إبــدلالـــي ملتهبـــــه
جنيـن وبـالحشــا وإعلـه الإرض ذبـــه
يلــيــل إرد إسـإلــك بـالله شنـــو ذنبـــه
شعنده أويَّ الجنيـن الطاغـي مـن عَتبـه
نـــت آنــه محضره إهـدومـه ... آهٍ يــا لــيــل
صـــارن لهــــدوم إدمـــومــــه ... آهٍ يــا لــيــل
وتـالـي إتـمـط بِعْبـاتــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
بيــه إشــد إبــوي إبهــل خلـ وَصــه
وعشـت بالغصـه بعــده وإبـإثــر غَصــه
بــري راح إضمـــه وتبــه هـالقصـــه
تسـولفهـا يلــيــل إشمــا تصـح فــرصــه
قصتـي الشيعتنـه إحـيهـــــا ... آهٍ يــا لــيــل
وإنصبلــي الــمـاتــم بيهـــــا ... آهٍ يــا لــيــل
وخينــادون إبثــاراتـــــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل

فاطمه وام البنين بيا وضع _عمار هلال الواسطي



تلك كفين وعين ... وهنا رأس الحسين
فاطمه وام البنين بيا وضع ... غاد بالمحشر إذا هلن دمع
عند رب العالمين
************************************************
من وحي واقع خيالي ... أرسم بحزني الصور
عن كَلب ما خلص حزنه ... يواسي آهات القدر
عن ضلع ظلماً تهشم ... بدفعة الباب إنكســـــر
بيوم جف الحقد أضرم ... نار يم باب الخـــــدر
ذا حوار بين من ؟؟ ... هي ذي ام الحسن
تحجي ويا أم البنين وتنفجع ... غاد بالمحشر إذا هلن دمع
عند رب العالمين
************************************************
تكَلهه يم عباس شوفي ... وطالعي جفوف الكفيل
بيا ذنب كَطعوهه منه ... وإنكَطع منه السبيـــــــل
هذا إبني الكفل زينب ... العين واجفوفه الدليـــــل
أفتخر بسمه إمن اكَوله ... شما أقدمله قليــــــــــل
يعتلي صوت البكاء ... أترى ذي كربلاء
حضرت النورين والغيره طبع... غاد بالمحشر إذا هلن دمع
عند رب العالمين
************************************************
هنا يجي دور العزيزه ... الفاضله أم البنيـــــــن
تحاجي سيدة النسه بدمعه وأثر لوعه وونيـــــن
بين إديهه تشيل كَوه ... راس أبو اليمه الحسين
تكَلهه مولاتي فديته ... الما طفه نار الحنيــــــن
فلماذا قتلا ؟؟ ... وعلى الرمح اعتلى
بيا ذنب محزوز نحره بضي يشع ... غاد بالمحشر إذا هلن دمع
عند رب العالمين
************************************************
بالوفه هذا التلاقي ... والوفه يقـــــــــدم درس
وبعد للإيثار أشوفن ... حكمته بعزة نفــــــــس
شلون نورين ايتلاكَن ... الكعبه جنهن والقدس
والحزن ماخذ مجاله ... باجر وهسه وامــــس
وهنا كان الوفاء ... بين أصل الأتقياء
وللأصل باجر يرد ذاك الفرع ... غاد بالمحشر إذا هلن دمع
عند رب العالمين
************************************************
الهالزمن ودروس ناخذ ... من وفه ام البنيـــن
وعاين الزهرة ووفاهه ... من تجيهه بيوم دين
تكَلهه وافيتي بدمعتج ... بالبنين الصابريـــــــن
وتعتذر منهه العظيمه ... تكَلهه فدوه أم الحسين
ها هنا يعلو الأنين ... وهنا يمضي الحنين
ودمعه من كل جفن عالخد تنزرع... غاد بالمحشر إذا هلن دمع
عند رب العالمين

الثلاثاء، 28 مايو 2013

عالجسر مطروح إبن حامي الحميه_حيدر تركي الكربلائي



عالجسر مطروح إبن حامي الحميه
وتجري لمصابه دمـوع الرافــضيه
ــــــــــــــــــــــــــــــــــــــــــــــــــ ـــــ
حمـــامـيل اربعــه ليــهم لمــحنه
منو هذا الحــملتـوه احـنه صـحنه
جـــثة گـــالو المســـجون عدنــه
ردنه انعرفه ونــــشوف القــضيه
ـــــــــــــــــــــــــــــــــــــــــــ
امــام الرافــــضه هــذا الحـــملـناه
وجســـمه عالجســر الكــم تركــناه
ركضـــنه وصحنه ياسيدي ويــلاه
ليش اعله الجسر جــــثتك رمـــيه
ــــــــــــــــــــــــــــــــــــــــــــــــ
ياشـــيعه تـــعالو انـــروح يمـــه
بلكـــت بيه نفـــس احنه ونكــلمه
خـلونه نشـــوف شبيـــه جســـمه
يـــمكن حــــلت الليـــله الــــمنيه
ـــــــــــــــــــــــــــــــــــــــــــــــ
تجمهرنه ومشينه انشوف حاله
گالو بالســـم مگـــطعه اوصــاله
چـــبد موسى غدر هارون نــاله
صحنه صـــارت الساعه الرزيه
ــــــــــــــــــــــــــــــــــــــــــــــــــ
وصــلنه يمــــه وانـــصبنه عزانـــه
ورســول الله اجـــه وشارك مـــعانه
انتـــحبنه وارتفـــع صـــوت البـكانه
ويــــانـــه تــــنوح امـــه الزچــــيـه
ـــــــــــــــــــــــــــــــــــــــــــــ
ننوح وصــــحنه احـــنه الله اكـــبر
وحــــظر ويانه ابوه الوصـي حيدر
اذا نهمل دمه المــــوسى ابن جعـفر
قـــليله عيـــونه من الـــدم جـــريه
ــــــــــــــــــــــــــــــــــــــــــــ
وســـط المعتـل خلـــصت حــياتـه
وصارت بالسجـــن قصة مـــماتـه
السجن اصــبح الموسى من صفاته
گـــظه عمره بســجون اهل الرديه
ـــــــــــــــــــــــــــــــــــــــــــــ
بطوامير السجون الطــــاغي ظمه
ومن عنده يخـــلص چــــان همه
عمـــد ليه اللعيـــن بغــدر ســـمه
الله ايعـــين گــلبه اشـــاف اذيـــه
ـــــــــــــــــــــــــــــــــــــــــــــــ
ويــــن اهله ويشـــوفون الـجراله
ابـــن جعـــفر اليـــاحال انتـــهاله
العـــالم كلـــه لمصـــابه بچــــاله
وبچـــت لجله السـماوات العــليه
ــــــــــــــــــــــــــــــــــــــــــــــ
بهيـــبه اندفـن وبعـــزه وكـــرامه
وبـــقه فوگ الثره رمز الامــامه
يـــوم حســين ما مثلــه ظـــلامه
ثلاث ايـــام مرمي عـــالوطيـــه
ــــــــــــــــــــــــــــــــــــــــــــــ
خادم اهل البيت
الشاعر
حيدر تركي الكربلائي
20 \ 6 \ 2011

فوگ الجسر نترقبك كلــنه اجينه_حيدر تركي الكربلائي1433


من واعدتنه سيدي بوعدك وفينه
فوگ الجسر نترقبك كلــنه اجينه
مشتاگين الشوفتك ***** محتاجين اليمنـتك
تمسح علينه
ــــــــــــــــــــــــــــــــــــــــــــــــــ ــــــــــــ
اعلينه طولت الهــجر .. تمر نــدري ما تمر
بيـــش نتحله يغالي ومـــا بـــقه عدنـــه صبر
اسمعنه من عندك آمر .. گلت تانو عالجسر
الفرج ياشيعه قريــب وكل عــسر بعده يسر
شكم محب ناذر نذر .. وليــك واگف منتظر
نار شوگــك يبن جعفر شبـــت احبابك جمـر
تدري عطاشه الشوفتك كل هالحبايب
إرويهه انته بطـــلعتك يبن الاطــايب
منتظرين الجيتك ***** محتاجين اليمنـتك
تمسح علينه
ــــــــــــــــــــــــــــــــــــــــــــــــــ ــــــــــــ
لينه نــدريبك تود .. نـــنتظر بلكت تـرد
صار عنــه سنــين غايب وين انته مبتعد
والله ملينه البعـــد .. الجَيتك احنه نستعد
لحظه لحظه الي تمرنه الشوفتك والله نعد
الحكم ظالم مستبد .. ايــريــدنه ما ننــسعد
شوكت تحظرنه يغالي وجرح شماتك تشــد
سهم الهجر ياسيدي أثر عليــنه
يا ما نطرنه الجيـتك يمته تجينه
تعلم زين بشيعتك ***** محتاجين اليمنـتك
تمسح علينه
ــــــــــــــــــــــــــــــــــــــــــــــــــ ــــــــــــ
يلــي من هاشم غصن .. ليــك كل لحظه نون
ما نــمـــل مــن انتــظــارك ابــد والله لاتــظن
ما يفارگنـــه الحـــزن .. بيـــنه اصبح مقــترن
الجسر من شاف الحنين البــينه ظل لجلك يحن
بسجنك الكل ممتحن .. شوكت يخلص هالسجن
بلكي ايامك البيـــض اعلينـــه يالوالـــي يجـــن
ايام سود ابفرگــتك عــشنه يغالي
نور الصبح ماشفنه ابد شفنه ليالي
متألمين الحالتك ***** محتاجين اليمنـتك
تمسح علينه
ــــــــــــــــــــــــــــــــــــــــــــــــــ ــــــــــــ
الوعد حلت ساعته .. المحب نزلت دمعته
ينتظر ساعة قدومــك صعبه صارت حالته
هالمصايب بـــچــته .. مــحن كــثره راوته
وجهك ايناطر يشوفه اشــوكت تكمل طلعته
شخصك الكل تانتـــه .. يمــتـــه بالله جيــته
احبابك بدربـــك نظــرهه يـبن جعفر فرشته
لو تدري انته بشيعتك شوگ الي بيهه
محتاجه لو بس ســيدي تنـــظر عليهه
مهتمين اوداعتك ***** محتاجين اليمنـتك
تمسح علينه
ــــــــــــــــــــــــــــــــــــــــــــــــــ ــــــــــــ
شيعـــتك متــجمعه .. عالجــسر متــوزعه
امــر هالعم الجموع اصواتهه بيه ترفــعه
خــبر عاجل تسمعه .. وابـــد ما تتــــوقعه
لـــن عساكر جثــه جابو شايليـــهه اربــعه
صاح صوت الفاجعه .. الجمع فجر مدمعه
الينتظر موسى ابن جعفر خل يجي وايشيعه
يعني چنت ياسيدي تدري بمماتك
وبسمه هارون النــذل يختم حـياتك
مجروحين الجتك ***** محتاجين اليمنـتك
تمسح علينه
ــــــــــــــــــــــــــــــــــــــــــــــــــ ــــــــــــ
هــل حزنه وابــتده .. بهالمصاب الي سـده
ياذنب انته اقـترفته وحاربــوك اهــل الرده
رحنه جسمك نگصده .. شفنـه اديك امگيده
بيهه أثار الحديد ويجــري مــنهه الــدم غده
السم دليلك بــدده .. وعــنه شخصك بـاعده
والتعــده بسمــه ليك اعلينــه يالغالي اعتـده
مصابك فجــعنه وننتظر چنه البشاره
ثاري الوعد فوگ الجسر هذا انتظاره
متأملين ازيارتك ***** محتاجين اليمنـتك
تمسح علينه
ــــــــــــــــــــــــــــــــــــــــــــــــــ ــــــــــــ
تمت والحمد لله في 7\6\2012
خادم اهل البيت حيدر تركي الكربلائي

آه وا ويلاه من جور الرشيد ... ابيات للامام الكاظم عليه السلام__زكي الياسري


1
وا إماماه .. وا إماماه
طال سجنك سيدي و زاد القهر
سيدي امتـانيــــــك أحبـــابك دهر
لا سنه و سنتيـن مشبوح النظر
شلون يا مولاي بيك و بيها
وا اماماه .. وا اماماه
2
تنادي يا مولاي طالت غيبتك
عيونهم كل حين تِـربي الشوفتك
وإجه اليوم و حان موعد جيّتك
لكن بيــــــــا حال يا واليهه
وا اماماه .. وا اماماه
3
اربع احماميل تابوتك تِشيل
و الحزن ويا يميل اشما يميل
جن(رســول الله) هالليله قـتيل
إسمع املاك السمه وناعيهه
وا اماماه .. وا اماماه
4
جــابو التابوت خلو علجسر
كَبله ما شفنه جسر يحضن بدر
بيا عذر باجـر السمَّـك يعتـــــذر
هـالجريمه النـار ماتكفيهه
وا اماماه .. وا اماماه
5
آه وا ويـلاه هارون الرشيد .. آه واويلاه من جور الرشيد
فوكَـ سجنك سمّمك نسل البعيد
والسلاسل بيدك وكَـيد الحديد
ريت ادينه البيهن امكَيديهه
وا اماماه .. وا اماماه
6
سيدي يا سيدي يا سيدي
من يواليــــــكم يفـوز ويهتدي
و احنه يا مولاي بيكم نقتدي
هاي شيعة جدك اشفع ليهه
وا اماماه ... وا اماماه
7
جينه وانواسي بمصابك فاطمه
للنبي نعـــزيه و الحامي الحمه
و نذكر احسين الكَظه بسيف الضِمه
هاك دمعات الحزن داميهه .. هاك دمعات الحزن جاريهه
وا اماماه .. وا اماماه


تمت بحمد الله
زكي الياسري
30/05/2011

شيصبر الليل عشرة عمر هوه اوياك_جبار البطاط


شيصبر الليل = عشرة عمر هوه اوياك ــــــ شيصبر الليل = عودته يســـمع نجواك


شيصبر الليل = والليــــله ليــلة فركاك


ــــــــــــــــــــــــــــــــــــــــــــــــــ ــ


يامن بالسجن خلصته كل عمرك


أنه الليــــل واشــهد مانفذ صبرك


كل ليله أنـــا ونجمـــاتي ننتظرك


يا أجمل دعاء انسمعه من ثغرك


عن عيني لتغيب تدري انتظر سـاعاتك ـــــ عن عيني لتغيب تبجي دمـــــع نجماتك


عن عيني لتغيب = والليل وحشه ابلياك


شيصبر الليل = والليــــله ليــلة فركاك


ــــــــــــــــــــــــــــــــــــ


أنه اللــــــيل أجيتك سـيدي اتـــوسل


وحشه وظلمه ارجع تدري من ترحل


عليك أتعــــــــــودت وشلون اتحمل


ما أقـــــــبل يبدري أتغــــيب ما قبل


كل نجمه نزلت تصرخ يموسى بأسمك ــــــ كل نجمه نزلت وطفت ضواهه يمك


كل نجمه نزلت = وتصيح هيهات انساك


شيصبر الليل = والليــــله ليــلة فركاك


ـــــــــــــــــــــــــــــــــ


يمن زحته سوادي ابنورك الساطع


وكل ليله اشـــــوفك ســاجد وراكع


مثل نبرة دعـــــــــائك أنه ماسامع


وعله اجروحك تكابرسيدي وقانع


يا اسد بغداد عالكون يسطع نورك ــــــــ يااسد بغداد صغته ابعزم دستورك


يا اسد بغداد = حتى السـجن يترجاك


شيصبر الليل = والليله ليــلة فركاك


ـــــــــــــــــــــــ


عجيبه مادعيت انته على الظالم


لون داعــي جـا لامـــابقت وادم


رحـمه انته لذلك أسـمك الكاظم


لامـاهي غريبــــه يانسل فاطم


وحدك تعاني ولارحم بيـــك السجان ـــــ وحدك تعاني وناحت عليك القضبان


وحدك تعاني = والكــــون كله يفداك


شيصبر الليل = والليـله ليــلة فركاك


ـــــــــــــــــــــــ


باجر عالجسركل شيعي ظل يحلم


يشوفك سيدي وبيك الشمل يلتم


مايدري ابكل جسمك يسير السم


وهاي أخر مسيه الشيعه ماتعلم


تنتظرك الناس يامن غبت عنهه اسنين ـــــــ تنتظرك الناس وتحلم تشـــوفك بالعين


تنتظرك الناس = ماتدري نـــامت عيناك


شيصبر الليل = والليــــله ليــلة فركاك


ـــــــــــــــــــــــ


وحشه راح اعود وأبقى للتالي


انه الليل وتدري خابت امالي


يمن محرابك الليـله بقى خالي


شحال الشيعه لمن تفكد الوالي


وين ابن جعفر كل شيعي باجر يسئل ــــــــ وين ابن جعفر الفرحه لدمع تتحول


وين ابن جعفر= وكل محب باجر ينعاك


شيصبر اللــــــيل = والليله ليلة فركاك


ــــــــــــــــــــــــــــــــــــــــــــــ


ــــ


جبار البطاط

هـذا كـاظمكم طلع هبّو يـشـيـعـه_صالح الخفاجي

هـذا كـاظمكم طلع هبّو يـشـيـعـه

عالجسر نعشه حمل سر الفجيعه

بحاله غريبه ---- يدوي بنحيبه

************************

عـالجسر يا شيعه روحي تكتب بجمرة صبرهه

شتحمل امصاب ونوايب چم مصيبه من دهرهه

شـافـت سجون ومآسـي والـسجن اصبح قدرهـه

چم سجن شافت چم سجن --- بي عاشت مصاب وحزن

طـول الـعـمر ضلـّت تون --- وبالسجن گضـّت عمرهه

وتنتظر روحي بدمع جيّت اهلهه

تشيع النعش الحمل جوهر املهه

تعيش المصيبه ---- يدوي بنحيبه

***************************

كل سجن اهل المعارف بالگبر صارت توصفه

بـس ظلام وغـم تـشـوفـه وما حمل سجّانه رأفه

دار اصـبـح لـلـشمـاتـه ومـا جرحـهه بيوم يشفه

حي اسمي لاچن بالفعل -----ميّت وبس دمعي يهل

وظلم السجن ما ينحمل -----وما أظن نيرانه تطفه

گبر للاحياء كل سجن الـنـشـوفـه

وصورة الاحزان ما ساعه تعوفه

صورة رهيبه --- يدوي بنحيبه

***********************

لا تـقـارن بـيّ يـوسـف ولا تـخـلــّيـنــي مثاله

يوسف اشْشايف مصايب بالسجن غيّرت حاله

من ظلام السجن يـوسـف مثلـي ميشاهد خياله

هم سجنه طاموره وگبر -----هم قيّدو جسمه الكفر

هـم گلبـه بـالـسـم ينفطر ---- والجرالـي هم جراله

عالجسر هم جثـّته صارت رميه

هـم نـدو هــذا امـام الـرافـضـيـه

بحاله مريبه ----يدوي بنحيبه

**************************

يـوسـف بـسجنه تعذ ّب والگلب منه تفطـّر

وبـظلام الـسجن عايش بنار حسراته توجّر

وانه بركان المصايب بالسجن سلني وتفجّر

يـوسـف بـسـجـنـه ينتظر ---- يطلع يعيش الهالعمر

وانه اطلع لصوب الجسر – وگلبي من سمّي توذ ّر

بالسجن مهموم انه وانباد حيلي

والـليالـي وذ ّرت بـالـسم دليلي

وگلبي تذيبه ----يدوي بنحيبه

****************************

لا تنشدوني يشيعه بيا وضع گضـّيت سجني

بالدمع والهم گضيته والظهر يا شيعه محني

والـسـلاسـل قـيّـدنـّـي ومـن ثگلهه زاد ونـّي

وحدي ألُوجن بالسجن ---ومن اصرخ بصوت الحزن

بس الصدى بإذني يرن -----ولا نـشـد انـسـان عـنـّي

ضاعت اخباري وهلي ما ادري بيهه

بـالـمـديـنـه سـاكـنـه لـو سـاجـنـيـهــه

گلبي لحبيبه ---- يدوي بنحيبه

******************************

عايش بظلمة سجوني ما شفت شمس المضيّه

ومـا شفت سجّاني لحظـة نـاظـر برحمة عليّه

عـأيـش ابّـيـن الـنـوايـب بـالـقهر والـهم واذيّه

مهموم كل ليل وصبح ---- ليل وفجر ما يتـّضح

وباب السجن من تنفتح ---- تشرق انوار الرزيّه

لا شمس شفنـه ولا مـرّت علينه

بس ظلام وضيم صافحهه لدينه

ساعه عصيبه --- يدوي بنحيبه

*****************************

عـالجسر واحد نظرني وحرّك المنظر ضميره

صـاح هـالمـيّـت يـوادم ليش مـا عـنـده عـشيره

خل تگوم لثاره تطلب وخلي ينهض اله نصيره

خل تنهض لثاره الأهل

هـل ميّت بـسم انـچـتـل

والسم گطع گلبه وصل

وخل تحمله چفوف هاشم ---وخل تشيعه بهالمسيّه




رد مع اقتباس

-فوگ الجسر يوليدي_صالح الخفاجي

راح الامل من ايدي ----فوگ الجسر يوليدي

والـدمـع مـنـّي سـچّـاب --- امصاب ما مثله امصاب

فوگ الجسر يوليدي

*********************

عـالـجـسـر حـرمـة تـنـادي بـصوت اشـجـان ومآسي

أنجرح وجروحي كبرت وكل جرح من دهري قاسي

مـا يحملـه الـكون جـرحـي وزلـزل اجـبـال الـرواسي

مْن الباب وي كسر الضلع –وبـالـطـف دليلـي منفجع

چـم جـرح دم هـل الـدمـع ---وشاب من دنياي راسي

وجروحي من يشفيهه ---يا طيبه تحصل ليهه

من كربله ومن الباب ---امصاب ما مثله مصاب

فوگ الجسر يوليدي

************************

آنـه يـالـكاظم تـرانـي امـّك الـزهـرة الـزچـيـه

إنفتح جرحـي بـمصابـك وردّت جروحي عليّه

اذكرت باب العصرني وطيحت ابني عالوطيه

وانعاب صدري من الدهر –وبسمار لضلوعي كسر

وردّت على بالـي الصور –مْـن الـجـسـر للغاضريه

ظلـّام ما رحموني ---بمصابك يهظموني

وصدري بمصابك ينعاب –امصاب ما مثله مصاب

فوگ الجسر يوليدي

***********************

عالجسد ضليت اعاين عالجسر مرمي بجروحه

صدّعت گلبي المناظر ومـا سـكـن للـيـوم نوحه

لن خيالـي راح للـطـف يرسم إلأحـزانـي لـوحه

بالطف رسم صورة جسد –بالحر يضل وسط الشدد

وگـلـبـي الـيـفـيّـيله ارتعد – خاف حر شمس التلوحه

ضل الجسد عالغبره ---مطروح چبد الزهرة

ومن سحگت الخيل انصاب –امصاب ما مثله مصاب

فوگ الجسر يوليدي

**************************

ومن شفت واحد يگلـّب جسمك من اهل البصيره

وصـاح هـالـمـيـّت يـوادم مـا إلـه اهـل وعـشـيره

راح يـم حسين فكري بـغـربـتـه مـن عـز نصيره

من ضل وحيد بكربله ---عطشان ابن عقد الوله

ما ضل أخ وصاحب إله –وعالجثث طرفه يديره

راحت اخوته الليله --- ضلت جثث توميله

ويسمع جواب الاصحاب –مصاب ما مثله مصاب

فوگ الجسر يوليدي

***********************

ينحني يوليدي ضلعي وينفطر چبدي بحسرته

مـن اشـاهـد قـيـد بيدك تگطع الـمعصم شفرته

ذوّبت للـگـلـب نـاره ومـا طفت يبنـي جمرتـه

أذكـر عـلـيـل الـعـايـله –ورده بـحـزنـهـه ذابـله

ضلت دمـاءه سـايـلـه –من قيوده ومن دمعته

يجري الدمه من ايده ---مْن الجامعه ومن قيده

والجسم من قيده ذاب –مصاب ما مثله مصاب

فوگ الجسر يوليدي

*********************

وين هاشم خل تجيني عالجسر تلگيني يمّك

أنحب وابچي واعاين للسواد الغطـّه جسمك

بيا ذنب هارون يامر بالسجن يوليدي سمـّك

ونـشـوف گلبك ممتحن ---ومفطور من سم وحزن

هم سم والم ظلمه وسجن ---هم غياب اهلك يألمك

چبدك تصدّع يبني ---بسم الحسن ذكرني

بالسم يلوج ومنصاب ---مصاب ما مثله مصاب

فوگ الجسر يوليدي

*************************

اتجمّعت بيك المصايب وهيّج مصابك جمرهه

غربة حسين ونضاله ودمعة الكبرى وصبرهه

والحسن بالسم يموسى اتگطـّعت چبده وفطرهه

تگضي العمر يبني بسجن

صابر گضيته ومـمـتـحـن

مـهـمـوم ضـلـّيـت وتــون

وعالجسر مسموم يبني جثـّتك ضلت رميه

*******************