تروي لنا الزهراء فصل الخطاب
من بين نار وجدار وباب
__________________
بس اختفى نور النبي وانحجب شفنه من اشباه الصحابة العجب
جمعوا على دار الزجية الحطب بحضرة علي وشبوعليهه اللهب
وفاطم لاذت لحفظ الحجاب من بين نار وجدار وباب
_______________________
كالوله بنت الهادي لسا تون من كد بجيهه ذاب منهه الجفن
كال بكلبهه ارد ازيد الحزن كالوله هذي الزهرة جاوب وأن
لن انثني حتى تذوق المصاب من بين نار وجدار وباب
__________________________
نادى يزهرة سمعي وتأملي لازم علي يبايع يسلم الي
كالت احذرك تكرب لمنزلي فدوة نروح ويبقه سالم علي
وحيدر يصغي لهذا الجواب من بين نار وجدار وباب
__________________________________
والطاغي من شاهدهه تجري الدمع ثارت قديم احقاده من هالوضع
حط ظهرة عالباب وبدة بالدفع ما ادري من عدهه كسر جم ضلع
تبت يدا من للبتول اصاب من بين نار وجدار وباب
______________________
انت وصوت الزهرة هد الصبر راد اللعين يخفف من العصر
لجن ذكر ثارة بحنين وبدر زاد ونبت مسمارة وسط السطر
يالوعة من ذكرها الانس شاب من بين نار وجدار وباب
__________________
بس ما هجم عالدار ذاك النذل طاحت يويلي وطاح منهه الحمل
لكن اشد عالزهرة من هالفعل شافت علي مجتوفه اديه بحبل
كيف باليث دار الذئاب من بين نار وجدار وباب
__________________
طلعت تنادي خلفة متألمة راح الضلع يتفايض من الدمه
ياناس تدروني انا فاطمة لو ادعي اكلب هالارض عالسمة
فدعوتي لله حتما تجاب من بين نار وجدار وباب
__________________
للاستماع اضغط هنا
http://www.youtube.com/watch?v=QBijLRx68Ds
لا تنسوني من خالص دعائكم
