باسم الكربلائي _هوسات1434

كسر بكلوبنا لليوم من كسرج
عسى انكلبت الدنيا ولا يهل دمعج
عسن تتكسر ضلوعي ولا ضلعج
كون وية الباب يحرقوني 
ويمحسن كون يموتوني
________________
اعاتب ياعلي وادري العتب مسموح
يضربون الزجية وانته عنهه تروح
دليني بكبرها واخذ مني الروح
بس دليني بكبرالزهرة
مشتاق الطم واجري العبرة
______________
للاستماع اضغط هنا
http://www.youtube.com/watch?v=4CLi7u9ehcg

عباس عن كسرالضلع _باسم الكربلائي1434

عباس عباس عن كسرالضلع هم عندك اخبار 

_______________

يا بو فاضل خاف اجرحك لو اخبرك

وانته طبعهما تجاوز حتى صبرك

وبوفائك وبأبائك عالي قدرك

انا اشوفك بالمشاعر يضوي قبرك

معروف معروف يانعم الاخو المثلك فلا صار

___________________

زينب اختك ما حجتلك يا قمرها

قصة امها هيه تعرف كل خبرها 

خل تقلك من هضمها ومن عصرها 

عصرة تركت عالعقيلة شر اثرها

بالباب بالباب هم عندك خبر من شبت النار

____________________

يبو الغيرة لو شفتها من ولوها

والوديعه البيها وصة الهادي ابوها

بلاية رحمة وبحقدهم هاجموها

هجمة وحدة وبضلعها صوبوها

احقاد احقاد من بعد النبي ظهروها الاشرار

___________________

لو كلتلي الوالي حيدر كل رجاهه

حين صاحت من تنخت ماحماها

من سمعها ما حضرها ولااجاها

وبوجودة من وصلها واعتناها

وشلون وشلون يسكت وانتخت صاحت يكرار

___________________

تدري حيدر من تكيد بالوصية

فرصة جانت بيهه هجموا عالزجية

منها ورثت بنتها زينب كل رزية

والعداوة من السقيفة لآل امية

الام الام من جرم العده الهجموا على الدار

___________________

للاستماع اضغط هنا

http://www.youtube.com/watch?v=hT3ZylLWf6k

قبل الارض ناح العرش__باسم الكربلائي 1434

قبل الارض ناح العرش والسبعة     نوحي يزينب هذا يوم الدمعه

والي ترك جراحه                     يستاهل النياحة 

يزينب يزينب

_____________________________

ودعي يزينب صبرج وي البضعة               والودع امه يا دموع تنفعة

يا زينب ان راح النعش شيرجعه                    يبجي الحسن وحسين يبجي وينعه

دارج خلية وموحشة هاليلة                   واليفكد امه من صغر يا ويلة

واليرحل بصباحه                            يستاهل النياحه  

يزينب يزينب

____________________
يم الحزن عمرالورد عمرها         بين المدامع والجرح ذكرها
تركت الج ونة والم كسرها            تركت عبايتها واثر عطرها
مصلاية تركتلج تصلي عليها           انتي الوريثة ولازم تمثليها
واليحمل السماحه         يستاهل النياحة 
يزينب يزينب
___________________
لازم سمعتي من انكسر ضلعها            محسن  جتيل ومنظرج فجعها
اسأل يزينب حيدرة سمعها               من صاحت وجف النذل صفعها
لاذت ورة الباب وحمت خدرها      عالحايط الظالم اجه وعصرها
والينكسر جناحه      يستاهل النياحه 
يزينب يزينب
__________________-
بيمن توصيج العزيزةالحرة      كالتلي وتهل المدامع عشرة
بالطف اخوج حسين قبلي صدرة       قدميله سيفة يالعقيلة ومهرة 
قالت اخوج حسين يبقى ضامي      واكبر مصيبة ينذبح كدامج
تسبل عليه رماحه      يستاهل النياحه 
يزينب يزينب
_________________
وصتني لوعباس ما رد لينه           روحي ييمه وقبلي جفينه
انتي اعذري وخالتعذرة سكينه          وبهيدة طلعيله السهم من عينه
لو شفتي جودة ويمنته ويسارة         كفي العتب وتقبلي اعتذارة
وابجي بلاية راحه          يستاهل النياحه
يزينب يزينب
__________________


للاستماع اضغط هنا

http://www.youtube.com/watch?v=HnCbYmOVnU0

جينه نعزّي حيدره === ولزينـــب إنواسيهـــا1434

جينه نعزّي حيدره === ولزينـــب إنواسيهـــا
ــــــــــــــــــــــــــــــــــــــــــــــــــ ـ
جينه نعزّي المُرتضه == والمُصطفــــــــه هادينه
نحضر دفنها الشافعــه == ويّه علي والينــــــــــه
نسمع حنين المُجتبـه == وإحسين تجري عينه
ندري الوديعه الطاهره == كســــــر الضلع ماذيها
ـــــ
جينه نعزّي المُصطفه == وإﻧﮔلــّـه يامولانـــــــــه
بعدك نسوها فاطمه == وإم الحسن ولهانـــــه
وإحنه ننادي المنتظر == والمنتظر ماجانــــــــــه
عجّل إلهي بالفرج == والطلعـــــه منتظريها
ـــــ
جينه نشارك بالحزن == ننصب مآتم جينــــه
لمصيبة الزهره إبدمــــه == كل شيعي تجري عينه
وإنشارك الوالي علي == وإنساعده وإنعينـــــــه
زينب نشاركها العَـــزَه == ندري الألم حل بيها
ــــــ
جينه إبحـــــزن ما ينمحي == نحضر وداع الزهــــــــره
وإنشوف والينه الوصي == حيدر علينه إو جمــره
وإنشوف زينب حايـره == حسره إبأثرها حسره
وإحسين ﯾﺑﭽــي والحسن == وإمهم مضت تاليهــــــا
ــــ
جينه إبجرح ما ينتهي == نَزْفَـــه ولاعبراتــــــــه
بس الأمل يشفي الجُرح == من يظهر إبراياتـــــــه
يوم اليجي إيحين الفرج == ويهل دِمَه دمعاتــــــــه
ولطيبه نمشي إبموكبه == وأمّه الأبي إيناديهـا
ـــــــ
جينه إو أبد ما ظل صبـر == يبن الحسن بينه الداي
نسمع تُراب الطاهره == أم المصايــب مولاي
إكشف يمهدي الشيعتـــــك == ﮔبر الزﭽيّـــه إﻠﺷﭽـّاي
وإبني اﻠﮔبر يالمنتظــر == وأمّك سُوَه إنهنّيها
ــــــــــــــــــــــــــــــــــــــــــــــــــ ـــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//view.php?file=169d23fb84

ضلــع من فاطمه ﯾﺷﭽــي لهيبـــه_1434

ﺑﭽـــت حتّى السمه الهاي المصيبه === ضلــع من فاطمه ﯾﺷﭽــي لهيبـــه
ــــــــــــــــــــــــــــــــــــــــــــــــ
ضلع من فاطمه كسروا يهادي == من بعدك قسوا ذوله الأعادي
نظل إحنه يبو الزهره ننادي == ويــن المنتظر يشفي الحبيبه
ـــــــ
وين المنتظر ياخذ يجي الثار == ثـار الشافعه إو يِطفيها للنار
ثار المُرتضه إينادي يكــــــرار == إجيت إبسيفك إو أسمع نحيبه
ــــ
إجيت إبسيفك البيه المنايــــه == ياجدّي علي وأمحي الرزايه
رضا أمّي الزﭽيّه كُل مُنايـــه == أشِل إجروحها الزهره النجيبه
ــــ
أشِل إجروحها الزهره الزﭽيّه == آني المنتظر راعي الحميّـــــه
أمحي إمن الوجود الناصبيّـــــــه == وأصير الكُل ﮔلب شيعي طبيبه
ــــــ
وأصير الكُل مُحب راية مساره == وأعيد الحق إلى سابق مداره
وصيحن ياعلي ياحامي جاره == لخلي الناصبي يلعن نصيبه
ـــ
لخلي الناصبي بالحســــــره والآه == وأدلّي شيعتي إﻠﮔبــر اﻠﻓﮔــدناه
ﮔبـــر زهرة رسول الكون ويلاه == وخليــــــه الصرح حاله عجيبه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldnwj26548.mp3.html

أستمعو هاي الفاجعه الصارت يشيعه_حيدر تركي الكربلائي1434

جمــر المصاب الــي جـره إلكم إذيـعه ** أستمعو هاي الفاجعه الصارت يشيعه

من هشمو الصدر

ما ظـل بعـد صبر

إنـه الـوديــعه

ــــــــــــــــــــــــــــــــــــــــــــــــــ ـــ

قصتي ابديـهه . والكم ارويــهه. عالجره بحالي

دمعي مطلعهه . وحزني وزعهه . بعالم اهوالي

من رحل عني . والــدي اعنــي . انهدمت امالي

اللوعه شافتني . الدمعه عرفتني . ومــاهده بـالي

توهه المصايب ابـتدت وانه اعرفتهه ** واتـــألمـــت ياشيـــعتي لـمن شـفتهه

وبمبــتدى العـمر

ما ظـل بعـد صبر

إنـه الـوديــعه

ــــــــــــــــــــــــــــــــــــــــــــــــــ ـــ

العاده كل واحد . لو فگد والد . الناس اله اتصبره

تجتـمع يمـه . وتحـــتمل هــمه . اتســـاعده بأمـره

وانه منعوني . تهــمل عيوني . وصــرت متحيره

شلون جازوني . الصحبه أذوني . إوجــرو جمره

بنتـه الوحـــيده فاطـــمه وجــارو عليه ** وماچنه وصه المصطفى اصحابه بيه

واتنـــفــذ الأمـــر

ما ظـل بعـد صبر

إنـه الـوديــعه

ــــــــــــــــــــــــــــــــــــــــــــــــــ ـــ

روحي اواسيهه . بدمعي اسليهه . وناري تتوجـر

انــظر البابــي . اذكــر امصابي . دمعــي يتـفـجر

انخه ما اگــدر . للوصــي حــيدر . خاف يـــتأثـر

صحت يافضه . والصدر رضه . بدفعــته اتكــسر

ما اگـــدر انخــه ياعـــلي لمــن عــصرني ** ادري يــلبي دعوتـــي لو بـــس سمـــعنـي

بصدري اشتعل جمر

ما ظــل بعـــد صبــر

إنـه الـوديــعه

ــــــــــــــــــــــــــــــــــــــــــــــــــ ـــ

زادت اشجاني . هاجت احزاني . وروحي مهمومه

الغدر بســماره . بصدري شـب ناره . ومنه مالومه

مصـدر ألامــي . التــختم ايـــامي . اعليــه مرسومه

هـَشم اظلاعي . وغير اوضاعي . وصرت مهظومه

الالمني من الــي جـره وكـَـثر حنيـني ** لمن شفت فوگ الارض طايح جنيني

حسره عليــه إجر

ما ظـل بعـد صبر

إنـه الـوديــعه

ــــــــــــــــــــــــــــــــــــــــــــــــــ ـــ

گلبي شيجبره . موســهل كسره . أشد من ظلـعي

الينكسر گلـبه . حالتــه صــعبه . ايظل فقط ينعي

وجهي أثاره . واضــحه اخباره . البـيَــنه دمعــي

منظر السطره . وعيني هالحمره . غيرت وضعي

عن عيني يسأل حيدره شنو الي بيهه ** وكل ماسألني بيمنتي عـنه اغطــيهه

اعلـيه بقــه يـصر

ما ظـل بعـد صبر

إنـه الـوديــعه

ــــــــــــــــــــــــــــــــــــــــــــــــــ ـــ

ابمقتبل عمري . غيبو بدري . وحجبو انـواري

مارعو قدري . هشمو صدري . وداسو بـداري

بابي دفعوهه . اعليه شبــوهه . وماطفـت ناري

وتبقه مستعره . الزينب الــحره . هالهب سـاري

نـار الخــيام بكربلــه مصدرهه بــابي ** ومصاب ابو اليمه تره اصله مصابي

يازيـــنب اعتـــذر

ما ظـل بعـد صبر

إنـه الـوديــعه

ــــــــــــــــــــــــــــــــــــــــــــــــــ ـــ

تمت والحمد لله في 15\ 4\ 2012

خادم اهل البيت حيدر تركي الكربلائي

لاتتعجب نفس النار_حلمي السعد1434

لاتتعجب نفس النار ....يبني البالباب يشعلوها
باﭼر لوضد دهرك دار
بهالنار الخيمه يحرﮔوها
داري ودارك .....وناري ونارك
لاتتعجب نفس النار
********************** يبني ياشمعة حياتي وياضـــــــوه لكل ليله ظــلمه
يلي بيك اجدي طريجي وطيفك ويه الروح اضمه
يالصرت وجدان ذاتي وﮔلبي يمك يشكي هـــظمه
بــــعد هذا اليوم ماظن تبـــــقى لاجل الدين حرمه

من بعد مصاب البسمار ....اسوار الدين يهدموها
ولاظلت حرمه الهالدار
ولاذمه لطاها يراعوها
اتدور اقدارك .....وناري ونارك
لاتتعجب نفس النار
**********************
بطّل دموعك ييمه وخله تـــــــــرويك بـهمومك
لا تهم بـنزيف صدري مثلي هم تنزف دمومــك
والجزوا لعتاب داري بالرخص باجر تـــسومك
والجِِرح بالسوط عيني يـــــغير بسهمه رسومك

باجر لودار الدولاب .....نفس الالام يعيدوها
ونيران تشب بالاطناب
والعيله بخسه يسلبوها
حالي وحالك....وناري ونارك
لاتتعجب نفس النار
**************************
من شفت عالباب دمـي سايل ودمعي يتجارى
ادري گلبك زاد همه وتلتــهب لمــصابي ناره
لجن اسمع هالرزيه مـــــن تشن الگــوم غاره
وينگطع نحرك وريده وتوصل الجدك اخباره

لو هدت خيل الظلام ....وسيوف الهم يسلوها
تزحـــــف صوبك اهل الشام
واوداج المنـــــــحر فصلوها
تبجّي اخبارك.....وناري ونارك
لاتتعجب نفس النار
*************************
ادري اثـر بيك ضلعي المــــــنكسر من هالرزيـه
اوونـتك وي ون دليلي من الالم صارت خــــــفـيه
گلي شنهي يصير حالك من تـــــــحوطك ال اميـه
وتسحگ الخيل عله صدرك يبني وتضوگ المنيه

مااثر من كسروا ضلعي ....بس ضلوعك من سحگوها
طفوا بيها شمعة عمري
وسنينك بالـــهم طفوها
هاي اسرارك .....وناري ونارك
لاتتعجب نفس النار
************************
وصرخت المحسن تـــــعذبك تهيج بروحك المها
وردة سنيـــــنه نفضها بعـــــتبة الدار شيــــــلمها
مالحگ نسمات عطفك وعــطرك الزاكي يشمها
وروحك الحلمانه جانت بـــوگعته ذبـــحو حلمها

صرخة محسن عالاعتاب ...ماگدروا يبني يخنگوها
بارض الطف ظل الها جواب
من نـــــحر رضيعك باگوها
ثاري وثارك .....وناري ونارك
لاتتعجب نفس النار
***********************
جـتفة الكرار يــبني هاي مـــن طه وصــــيه
موعليل وحبله بـــــــيده وبالحرم حـار الشـفيه
وطلعتي من الدار اخطب مو مـثل اختك سبيه
وطيبه مختلفه ييمه هوايه عـــــــن الغاضريه

لاخربه ولانوگ وشام ....ولابيها اطفال ايتموها
ولا طفله عــله الراس تنام
ومن شوفك هما يحرموها
ذيج اثارك .....وداري ودارك
**************************
اسالكم الدعاء لي ولوالديّ
خادم اهل البيت (عليهم السلام)
حلمي السعد

الحسين ع يودع أمه الزهراء_حيدر تركي الكربلائي1434

الهجر ما أتحمله تـدريني *** يمه اروح اوياچ لتخليني
راح اظل بعدچ اعاني . اعاني
عـَاليــتم مابيــه آني . تره اني
ــــــــــــــــــــــــــــــــــــــــــــــــــ ــــــــــــــــــــ
حسيـن انه يالحبيــبه ودمعتي بخــدي
اليوم عن ياجرح احچي أبيا ألم ابدي
لـَـسه مامجبور گـلبي من كسر جدي
يمه لو عني رحلتي من يظـل عندي
الموت اهون لي ولا هالحاله *** اليفگـــد امـــه ينـــمرد دلاله
اوياي سواهه زماني . زماني
عـَاليــتم مابيــه آني . تره اني
ــــــــــــــــــــــــــــــــــــــــــــــــــ ــــــــــــــــــــ
اشمـحله يوميه تِصبح عيـنچ ابعـيني
للصلاه يمـــه ييــــمه مـن تصـحيني
البارحه ما غفت عيني الدمع ماذيني
صدرچ الدافي اريده ليـــه تظميني
والله مشتــــاق الحـــنانــچ انه *** والطفل صدر امه بس عنوانه
بعدچ اتهدم كيـــاني . كيـــاني
عـَاليــتم مابيــه آني . تره اني
ــــــــــــــــــــــــــــــــــــــــــــــــــ ــــــــــــــــــــ
بُعــدچ انـــه ما احـمله ايكـَـثر اجروحي
والله مـــن ترحيــن عني تنــتزع روحي
انه انــــوح اعليچ وانتي الحالتي نوحي
بيه هجرچ صار معول هــدم اصروحي
حسين كله احساس وتعرفينه *** يمه بغيابـــچ تره اتـــالمــينه
الحزن والآه احتواني . احتواني
عـَاليــتم مابيــه آنــي . تره اني
ــــــــــــــــــــــــــــــــــــــــــــــــــ ــــــــــــــــــــ
كل طفل يحتاج امه ابكـــل وكــت يمه
ومـــا تناديه بســـمه هيه اتگـــله يا يمه
بعد ما أسمعهه انـه وســـفه هالكـــلمه
گلبي من بعدچ مصايب صارت اتعمه
شلون بيــه لو اجـــاني ليلي *** من اصد لفراشچ ايهد حيلي
الحزن من كل صوب اجاني . اجاني
عـَاليــتم مــــــابيــه آنـــــي . تره اني
ــــــــــــــــــــــــــــــــــــــــــــــــــ ــــــــــــــــــــ
بكل كتر بالبيت ذكـره الــچ گدامي
وياچ انه يالحبيـــبه اذكــرت ايامي
مره من تبچين شفتچ والجفن دامي
انتي خبرتيــني يمه انـــذبح ظـامي
وانه بچفوفي امسحت دمعاتچ *** ومزجت اهـاتي وَي اهــــاتچ
الدهر بسهامه رماني . رماني
عـَاليـــتم مابيــه آني . تره اني
ــــــــــــــــــــــــــــــــــــــــــــــــــ ــــــــــــــــــــ
إليتـــم شفــتي مراره وعشـــتي بهواله
كـل طــــفل من فگـد امه فگــــد اماله
ولو يفز باللـــيل هـــــوه والدمع سـاله
ايصيح وين امي ومصابه فطـر دلاله
من يسكن لوعـــته وآلامه *** لو تمر امـــه عليه بحلامه
وانه احس ابهالمعاني . معاني
عـَاليــتم مابيــه آنـي . تره اني
ــــــــــــــــــــــــــــــــــــــــــــــــــ ــــــــــــــــــــ
تمت والحمد لله في 15 \ 2 \ 2013
خادم اهل البيت حيدر تركي الكربلائي

غابت الزهره إو مشت عن دارها

ودّعـت أمهـــا العقيلــــه إبنارهـــا === غابت الزهره إو مشت عن دارها
ــــــــــــــــــــــــــــــــــــــــــــــ
ودّعت أمها العقيله الطاهـــره == نار بالروح إعتلتها إو ساجره
شافت الكرار صابــــــر حيدره == ودّع الزهره إو ﻓﮔـــدها أنوارها
ـــــــ
ودّع الزهره إو ﺑﮔــه إبفيض الحزن == من بعد أم الحســــــــن روحه تحن
يسمع الحوراء زينب من تون == للأبــــد ما تنطفــي نيرانهـــــا
ـــــــ
للأبد ما تنطفي نـــار البتــــول == نار شبّت بالعقيله إو ما تزول
والمُصايب صارت إبزينب تجول == يـــوم غابت فاطمه إو أسرارها
ــــــ
يوم غابت فاطمه إهتز الوجــــود == فارﮔـت زينب بعد ما ظن تعود
والحزن خيّم على زينب يزود == ظلـت الزمره الخبيثه إبعارها
ــــ
ظلت الزمـــره الخبيثـــه الآثمه == بالخزي والعار صوّبها العِمَه
أغضبت زهرة محمد فاطمــــه == والنبي مهموم من أخطارها
ــــــ
والنبي مهموم والدنيــــه إبظلام == صابر الكرار ما هز الحُسام
ننتظر ويّاه مهدينه الأمـــــــام == فاطمه الموعود ياخذ ثارها
ــــــ
ياخذ الموعود ثـــــار أمّـــه الأبـــي == يظهر المهدي وإيسر ﮔلب النبي
ما يظل باطل يروح إو يختبــي == يبني دار الشافعه إو أسوارها
ــــ
يبني دار الشافعه المهدي الأغر == ﻠﻠﮔبـــر يهدينه نور المنتظر
من نزوره نمحي أيام القهر == وإبأرضنه ينتهي فُجّارهــــا
ـــــــ
وإبأرضنه ينتهي الباطــــل يــــــزول == تفرح الزهراء والهادي الرسول
ينتهي كل ناصبي إيعربد يصــــــــــول == والأرض تزهي إو تصب أنهارها
ــــــــــــــــــــــــــــــــــــــــــــــــــ ـــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//view.php?file=023731882e

ودّعَت أمها الزجيه ( لأستشهاد الزهراء عليها السلام )1434

زينـب – زينـب – زينب ودّعت أمها الزﭽيه
زينب – زينب – زينب ظلت إبحسره الأبيّه
ــــــــــــــــــــــــــــــــــــــــــــــ
زينب ودّعت أمها إبدمعها == حسرات اﻠﮔلب محّد سمعها
زرعت فاطمه بيها طبعهــا == أمها الصابره إو هيّه نبعها
زينب – زينب – زينب صابره مثل الحبيبه
زينــب – زينـب – زينب ظلت إبحسره إو مُصيبه
زينــب – زينــب – زينب نبعه من حامي الحميّه
زينـب – زينـب – زينب ودّعت أمها الزﭽيه
ــــــــ
زينب ودّعت أمها العليمــــه == زغيره إو راحت أمها ياهضيمه
عزاها للأبد راحت تقيمه == هذا أول مُصاب إلها الكريمه
زينب -- زينب-- زينب شاهدت باب المُصايب
زينـب-- زينب -- زينب واﻠﮔلب مهموم ذايب 
زينب – زينب -- زينب فارﮔت نور النقيّه
زينــب – زينـــب – زينب ودّعت أمها الزﭽيه
ــــــــ
زينب ودّعت أمها الشفيعــه == زغيره إو مرّت إعليها الفجيعه
فجيعة فاطمه الزهره الوديعه == ضلعها المنكسر ﯾﺷﭽــي يشيعه
زينـب – زينــب – زينب شافت العصره وإلمصاب
زينـــب – زينــــب – زينب شافت المُحسن على الباب
زينب – زينب – زينب شافت الزهره رميّه
زينـب – زينـب – زينب ودّعت أمها الزﭽيه
ــــــــــــــ
زينب ودّعت أمها إو ألمهـــا == كُبَر والروح ضايع كُل حلمها
مُصايبها الزمن إلها رسمها == مُصايب وإبتدت بالطيبه أمها
زينــب – زينـــب – زينب ظلت إبحسره العقيله
زينـب – زينــب – زينب والألم ماكو مثيله
زينب – زينب – زينب مارعوها الناصبيّه
زينــــب – زينــــب – زينب ودّعت أمها الزﭽيه
ــــــــ
زينب عالمه إو حيدر رواها == زينب عارفه بالشر لفاها
أمها فاطمه غابـــــــت مُناهـــــــا == بعد منهو اليجي يمسح أساها
زينـب – زينــب – زينب ما صُفه إلها زمنها
زينب – زينب – زينب إبتده يسري حزنها
زينب – زينب – زينب شافت ألوان الرزيه
زينـب – زينـب – زينب ودّعت أمها الزﭽيه
ـــــ
زينب بالحزن ﮔضّت عمرهــا == واليوم النواصب يم ﮔبرها
يرمونه إبحقد يشعل جمرها == لكن بالمجد زاهي قدرها
زينـب – زينــب – زينب واجهت جور إو مُصايب
زينب – زينب – زينب ماتذل رغم النواصب
زينب – زينب – زينب أسكتت إبن الدعيّه
زينـب – زينـب – زينب ودّعت أمها الزﭽيه
ــــــــــــــــــــــــــــــــــــــــــــــــــ ــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldwzi51714.mp3.htm

دار الزهــــــــــره__شاعر اهل البيت / جابر النجفي1434

شنهو الصار إبدار الزهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
نسأل باب الهادي جينـــــــه == شنهو الصار إو شاف إبعينه
من عصروا زهرة هادينه == يابــــــاب الخير الننتظـــره
ــــ
ياباب النــور الظل دايــــــــم == يضوي الدنيه إو ملجه الوادم
نلعن كُل مجرم كُل ظالم == يرميــك إبنيرانه إو جمره
ــــــ
يرميك إبنيرانه الناصــــب == من ذاك اليوم إنتَ إتعاتب
وينك يامهدينه الغايــــــــب == جدّك أحمد عصروا صدره
ـــــ
جدّك أحمد نكروا دينـــــــه == ظلموا بنته إو زهرة عينه
والحگ صابر وإمگيدينــــــه == سيفه الظامي ظل إبصبره
ـــــ
سيفه الظامي ظل إبحزنــــه == شاف الزهره إتمر إبمحنه
من هاي إو ظل ساهر جفنه == يتمنـــــــــه الكرار إيشهره
ـ
يتمنّه الكرار إيشيلــــه == يطبر باطلهم وإيزيله
ياويل الظالم ياويلـــــه == ويل الأنكر أم العتره
ـ
ويل الأنكر بضعة أحمـــــد == يِغْضِب الله العالي الأوحد
والنار إيظل بيها إو يِخلـــــــد == ما يشفعله الهادي إبحشره
ــــ
ما يشفعله الهادي الناكــــــــر == وإيموت إبحسراته إو كافر
يلعن وإيسب حظه العاثر == وإينــال اليهواهم أجره
ـــــــ
وإينال اليهواهــــــم فـــــــوزه == أجره إمن الزهراء إيحوزه
داره إبجنتهـــــم محجــــــوزه == وإيعيش إمكرّم كُل عمره
ــــــــــــــــــــــــــــــــــــــــــــــــــ ــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//v...ile=8412b65aa8
http://www.alshiaclubs.com/upload//v...ile=8412b65aa8
www.alshiaclubs.com

لمــن تشَيّـِــع إجنــازتـــي_ كريم الحاج فليح

لمــن تشَيّـِــع إجنــازتـــي ***** باللــيــل إريـــدن دفنتـــي

منهـــل الغـــدر *** إخفــي الـﮕبــر .. إخفــي الــﮕبــر .. يـابو الحَســن

ــــــــــــــــــــ

هـايَّ وصيِّـت فـاطمــه الــوَصتهــا

بـــدم الضلــع للمـرتضـي كتبتهــــا

دَفنتهـــا بـاللـيـل إطلبـــت دَفنتهــــا

ولا يحضـر الـدفنــه إبــد شـامتهــا

ويلي إعله بت سيد البشر

كتبـت وصيتهـا إبقهـــــر

ﮔبـــل الفَجــــر *** إخفــي الـﮕبــر .. إخفــي الــﮕبــر .. يـابو الحَســن

ــــــــــــــــــــ

يـا بـو الحَسـن لمـن تغمـض عينـي

ومـن ينـﮕطع منـي النفس و ونينـي

حطهم على صدري الحسن وحسيني

آخـــر و داع البــي إودع إبنينــــــي

خلينـي إضمهـم عالصـدر

وخلينــي إشــم إم الخـــدر

إبـﮕلبـي الجمــر *** إخفــي الـﮕبــر .. إخفــي الــﮕبــر .. يـابو الحَســن

ــــــــــــــــــــ

بهيـده إويَّ جسمـي لمـن إتغسلنــي

يـابـو الحسن بظلوعي لا تلـﭼمنـي

بسمـار بـابـي بـالصــدر صَـوَّبنـي

ينـزف دمــه يــا حيــدر ويـالمنــي

وبصدري لو شفت الـدمه

مظلـومـه نــادي فـاطمــه

منهــل الكفــــر *** إخفــي الـﮕبــر .. إخفــي الــﮕبــر .. يـابو الحَســن

ــــــــــــــــــــ

عـالخَـد يَحيـدر مـن تشوف السطـره

داري الـدمـع لبعينــك إعلـه الحــره

بيهــا جــرح لمصيبتــي مـا يبـــــره

طفلــه العقيلــه وبـاليتــــم منكســـره

لا تنظـر الضلعـي وتــون

يَــم زينبــك إم الحـــزن

بَعـــــد العمـــــر *** إخفــي الـﮕبــر .. إخفــي الــﮕبــر .. يـابو الحَســن

ــــــــــــــــــــ

إمسـح علـى راس الحسـن وحسينـك

مـن عنـدي ما شبعــوا حنـان إبنينـك

ولا تجري يمهم دمعتـك مــن عينـك

إنــتَ إمهـم وإنــتَ الإبــو بتكـوينـك

لــوعنهــم وعنــك غبــت

تعـوضهــم إغيـابـي ردت

حـــان الهَجـــــر *** إخفــي الـﮕبــر .. إخفــي الــﮕبــر .. يـابو الحَســن

ــــــــــــــــــــ

وآخــر وصيـه يـاعلـي ويـا ذخــري

لـيـليِّــه تتعنـــه وتجينـــي الـﮕبــــري

تقـرالــي قــرآن وتــرتلــه إبكتـــري

وبـخ ﮔبري بدموع المصيبه التجري

دمعـاتـك إتطيــب الجــرح

داوي دلــيــلــي المنـذبـــح

بعـــد الصبــر *** إخفــي الـﮕبــر .. إخفــي الــﮕبــر .. يـابو الحَســن

فـوﮒ حـﮕـي الينغصـب_كريم الحاج 1434

فـوﮒ حـﮕـي الينغصـب ***** بيتــي داستـــه الغُــــرب

جيـت بــويــه الـﮕبـرك آنـي فــاطمــه

جيتـك إشـكي إبـدمعتـي التنـزف دمــه

ـــــــــــــــــــــ

غَمضـت عينــي بظليمــه محملــه همــوم وقهـــــر

جيـت إنــام إبـﮕبـري يَمــك ذَوَّب إعيـونـي السَهَــر

بصدري ﮔوم وشوف بـويـه ﭼـم ضلـع منـه إنكسـر

شـاهـــد آثــــار الجـريمـه علــى هـالخـــد لنسطـــر

حـرﮔـوا إﮔليبـي حَــرِﮒ ***** وشـوف داري يحتــرﮒ

والإرض تبـﭼـــي عليـــــه والسمـــه

جيتـك إشـكي إبـدمعتـي التنـزف دمــه

ـــــــــــــــــــــ

بـويـه يـا جـرح الإضمـده ﮔلـي إداوي يـا جَــرح

حَــدوا إسيـوف الضلالــه وذِبحـوا ﮔليبـي ذَبــــح

وهـذا ليلـي إنياحـه إخلصه دمعي ينـزف للصبـح

ريـت إصيح المـوت إليـه مـن بعـد عينـك يصـح

خلــص إبنــوح العمــر ***** بلهفــه إتمنـى الـﮕبــــر

إرد إســولـفلــك قضيتـــي المــؤلمــــه

جيتـك إشـكي إبـدمعتـي التنـزف دمــه

ـــــــــــــــــــــ

بـويـه شنهـي الشفتــه آنـي بعــدك بهــاي الحيــــاة

بـويـه جيـــت إبدمعه تجـري وبمتـون إمـورمـــات

المنـع تكتــب وصيتــك راد إلـي بسـاع الممـــــات

بـويـه شـوف آثـار سوطه إعله المتـون إمزورﮔات

جيـت إلـك إبـﭼـي وإون ***** مــن إلــم ســوط المتـــن

إمتــك بـويــه إعلــه ظلمــي مصممـه

جيتـك إشـكي إبـدمعتـي التنـزف دمــه

ـــــــــــــــــــــ

إدري مـا تحمـل إسولـف وإدري بـﮕلبك عطــوف

لاﭼــن ولابــد إسـولـف بلـﭼـي لجـروحـي تـروف

إنظــر الخَــدي وتمعــن راح يـالــهــادي تشـــوف

إصبـح إمنـالسطـره إحمــر هــايَّ آثــار الـﭼفــوف

عينـي يـا بـويـه إنطفــت ***** بيــه شمـاتـــي إشتفـــت

مسـاهــره وعيــن الضـربنـي نــايمــه

جيتـك إشـكي إبـدمعتـي التنـزف دمــه

ـــــــــــــــــــــ

بـويـه جيتـك بـالمـآسـي والـدمـع عـالخــد يسيــل

بـويـه شفت ابهـايَّ عينـي ﭼتفـوا حامـي الـدخيـل

سمعته ﮔـَـل النفسـه بـويـه يـاعلـي صبـراً جميـل

شـاغـت الـروح إبحـزنهـا وذابـت وذاب الـدلـيـل

واَنظـر الوضعـه وإصيح ***** ويلـي يـا ﮔلبـي الجـريـح

بــويــه فَطَــر ﮔلبــي حمــاي الحمــــه

جيـت إشـكي إبـدمعتـي التنـزف دمــه

ـــــــــــــــــــــ

بـويـه عفـت الحـره تبـﭼـي زينـب إم ﮔلب الحنيـن

والحســن عفتـه إبـونينـه ينظـر النعشـي وحـزيــن

وبـﮕلب مكسور ينـزف دَم علـى مصابـي الحُسـين

بـويـه والـﮕبـرك تبعتــك وتبعـــت إبنــي الجَنيـــن

بيـه مَـر إﭼــم مصــاب ***** عمري خلص بـالعـذاب

بنــوح إلـــك وبـونــه وبهَـــم قــادمــه

جيـت إشـكي إبـدمعتـي التنـزف دمــه

يازهراء حيدر نادى_ شاعر اهل البيت / جابر النجفي1434

يازهراء حيدر نادى === حيدر نادى يازهراء
من بعدﭺ دم تجري العين === شلون إتروحين إو تمشين
يازهراء حيدر نادى
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
يابضعــــة محمــد مظلمــــــه داري == من بعدﭺ ألم روحي غده ساري
يصبّر روحي أدعي الخالق البــــاري == نهر دمعي على إمصاﺑﭻ يظل جاري
روحي إهموم حلت بيها === بيها إهموم حلت روحي
ﮔلبي إينادي يم إحسيــــن === شلون إتروحين إو تمشين
يازهراء حيدر نادى
ــــــــ
سيفي يالوديعه إيعاتب إو زعلان == ينادينــــي يحيدر واﻠﮔلب ولهان
يحيدر ما شفت من نزلت الأحزان == يوم اﻠﮔوم عصروها إبحقد شيطان
نادى السيف صبري زال === صبري زال نادى السيف
يوم الحَل إﻋﻠﯾـــﭻ البيــــن === شلون إتروحين إو تمشين
يازهراء حيدر نادى
ـــــــ
شلون العين تنسه صورﺗﭻ للــــــدوم == بعد ﻋﯾﻧﭻ ملت ﮔﻠبي ﭽــثيره إهموم
سهران إو جفاني ياوديعه النـــــــوم == أنظر زينب إعليها الرزايه إتحوم
واويلاه تندب زينب === تندب زينب واويلاه
وأنظر لدموع الحسنيين === شلون إتروحين إو تمشين
يازهراء حيدر نادى
ــــــ
والبيت اﻠﻓﮔــــد نورﭺ يــــون وإينـــوح == يواسيني إبدمع جاري إو جُرح مفتوح
ما أﮔدر أشوفه إبهل حزن مجـــــــــروح == تظل ﺗﺑﭽـــي عليه إو ما تهيد الروح
يامجروح جُرحك جُرحي === جُرحك جُرحي يامجروح
وأﺑﭽﯾــﭻ الحد موتي إيحين === شلون إتروحين إو تمشين
يازهراء حيدر نادى
ـــــــ
يزهرة روحي وأيّامي إو حلم عمري == يريـت اﻠﮔــوم عصروا فاطمه صدري
يريت المنكسر ضلعي إو دِمَه يجري == يريــت إوياﭺ أروح إو ينطفي جمري
ياربّاه إسمع نوحي === إسمع نوحي ياربّاه
ضجّت أملاك الكونيين === شلون إتروحين إو تمشين
يازهراء حيدر نادى
ـــــ
ياأم الحسن وإحسين عذريني == وصّاني أبوﭺ الهادي تدريني
أصبر ما أشيل السيف ياعينـــــي == أحافظ عالرساله إو هذا من ديني
هذا الصار صوّب ﮔلبي === صوّب ﮔلبي هذا الصار
يانور الفارﮒ عينييــن === شلون إتروحين إو تمشين
يازهراء حيدر نادى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldhqq06110.mp3.html

شعنــدك مــن إهمـــوم إحـﭼــــي _كريم الحاج فليح1434

شعنــدك مــن إهمـــوم إحـﭼــــي ... آهٍ يـا لــيــل

وآنــه إشكــي همـومـي ونبـﭼــي ... آهٍ يـا لــيــل

آنــــه ويــــاك وآهـــاتـــــي *** خــل نسهــر وي دمعـاتــي

آهٍ يــا لــيــل ... آهٍ يــا لــيــل

ـــــــــــــــــــــ

عنـدي إسـوالـف آنـه هــواي يــا ليلــي

خلـي إحـﭼيهـن وتـالـي إنـت تحـﭼيلـي

بعـدنـي إبعــز شبـابـي وإنهـدم حيلـــي

ﮔمـت مــن إمشــي إولادي التتـﭼيلــي

مـن إبـﭼـاي ومـن نـوحــي ... آهٍ يــا لــيــل

خِلصت حَسيـت إبـروحــي ... آهٍ يــا لــيــل

جيـت إبــونـتـي وحسـراتـي *** خــل نسهــر وي دمعـاتــي

آهٍ يــا لــيــل ... آهٍ يــا لــيــل

ـــــــــــــــــــــ

فــاطمتــك مصايــب نــزلـــت البيهــــا

تهــد حيــل الإرض وإتهــد رواسيهــــا

همــوم الـدنيــه صبــن كلهــن إعليهــــا

العــذر يـا يلــيــل إتحمــــل بــواﭼيهــــا

الـدمعه إموشلـه منعيــونـي ... آهٍ يــا لــيــل

وإعلـه إبـﭼـاي إيلـومـونـي ... آهٍ يــا لــيــل

اِسمـع وإبـﭼـي الـوَنـاتــي *** خــل نسهــر وي دمعـاتــي

آهٍ يــا لــيــل ... آهٍ يــا لــيــل

ـــــــــــــــــــــ

إبـــدي إمنـالسقيفــه الغِــدرَت إحبـابــي

وبالغاصب حقـوقـي وهَيَّــج إمصـابــي

لـــو بـالخَلـــه نــــاره تلهـــب إبــابـــي

والــراد إبصـلافــه يهتـــك إحجــابـــي

والسطــرة الإكلــت خـــدي ... آهٍ يــا لــيــل

مـدري إبيـا هـم آنــه إبــدي ... آهٍ يــا لــيــل

مفطـَـر ﮔلبــي بلــوعــاتــي *** خــل نسهــر وي دمعـاتــي

آهٍ يــا لــيــل ... آهٍ يــا لــيــل

ـــــــــــــــــــــ

دفـــع بــابــي عَلـــيَّ الــمـالـــه إمــــروه

نِبَـــت بسمـــاره بيــــه وآنــــــه إتلـــــوّه

علـى ضلـوعـي دَفِعتــه صـارت إبقـــوه

مثــل بلــواي مـا صـارت إبــــد بلـــــوه

ومـن صحـت إحـا يضلـوعـي ... آهٍ يــا لــيــل

نـزلـــت عـالخَـــد إدمــوعــي ... آهٍ يــا لــيــل

بـس مـا سمعــت شمـاتــي *** خــل نسهــر وي دمعـاتــي

آهٍ يــا لــيــل ... آهٍ يــا لــيــل

ـــــــــــــــــــــ

نــــار المحســـن إبــدلالـــي ملتهبـــــه

جنيـن وبـالحشــا وإعلـه الإرض ذبـــه

يلــيــل إرد إسـإلــك بـالله شنـــو ذنبـــه

شعنده أويَّ الجنيـن الطاغـي مـن عَتبـه

ﭼنـــت آنــه محضره إهـدومـه ... آهٍ يــا لــيــل

صـــارن لهــــدوم إدمـــومــــه ... آهٍ يــا لــيــل

وتـالـي إتـﮕمـط بِعْبـاتــي *** خــل نسهــر وي دمعـاتــي

آهٍ يــا لــيــل ... آهٍ يــا لــيــل

ـــــــــــــــــــــ

بيــه إشــﮕد إبــوي إبهــل خلـﮓ وَصــه

وعشـت بالغصـه بعــده وإبـإثــر غَصــه

ﮔبــري راح إضمـــه وتبـﮕـه هـالقصـــه

تسـولفهـا يلــيــل إشمــا تصـح فــرصــه

قصتـي الشيعتنـه إحـﭼيهـــــا ... آهٍ يــا لــيــل

وإنصبلــي الــمـاتــم بيهـــــا ... آهٍ يــا لــيــل

وخينــادون إبثــاراتـــــي *** خــل نسهــر وي دمعـاتــي

آهٍ يــا لــيــل ... آهٍ يــا لــيــل

يشهد عليك الباب ...الشاعر الحسيني سيد علي البخاتي1434

يشهد عليك الباب ... يوم القيامه
تنفضح ياكذاب ... يوم القيامه
ويشهد بعد بسمار ... ابدار الزجيه شصار

ــــــــــــــــــ
مغالط بالحقوق الدنيا نتوقعه ... وحق الضاع باجر لازم نرجعه
وجف المعتدي من متنه نكطعه ... والف صفعه نطلبه بثار للبضعه
انادي وينادي الكون ... شوفو انتقامه
المهدي الذي تنكرون ... شوفو انتقامه
يكشف بعد اسرار ... ابدار الزجيه شصار
ـــــــــــــــــــ
بعد ماناخذ ابحقنا ونطفي النار ... وبعد مايبقى عدنا وي النواصب ثار
ينفخ صور ربك تنتهي الاعمار ... وبساح الحشر مشبوحه النا انظار
تقدم امرها هناك ... الزهره الزجيه
تشهد رسل واملاك ... الزهره الزجيه
يستفسر المختار ... ابدار الزجيه شصار
ـــــــــــــــــــ
اعتراض يقدم الظالم يكول شلون ... املاك ورسل بالفاجعه يشهدون
لان بنت النبي ابصفها ينحازون ... اريد اثبات غير شهودها تقدمون
يكذب رسل مجبور ... بيش يتعذر
يدري الامر محذور ... بيش يتعذر
ظالم وطاغي وجار ... ابدار الزجيه شصار
ـــــــــــــــــــ


يامر ربك املاكه تجيب الباب ... ويحضر والاثر صاير عليه جلباب
وينطقه الجليل يكول شفت ارهاب ... ابسمار الغدر ضلع الزجيه انصاب
هجموا بلا استئذان ... مجبوره لاذت
اتذكرهم القراءن ... مجبوره لاذت
وانه التهبت بنار ... ابدار الزجيه شصار
ـــــــــــــــــــ
نادى الرب نبيه الحكم انته ... هذا الي تكول عبادي صاحبته
وانته الي عليهم والي خلفته ... احكم بالسمعته والذي شفته
ياربي ماوصيت ... الا ابوصيك
بالعتره اهل البيت ... الا بوصيك
وينادي ياكرار ... ابدار الزجيه شصار
ـــــــــــــــــــ
نده ضلع الزجيه يصيح اريد اشهد ... انطقني الخلقني وامره ماينرد
اشهد ياحشر هذا الرجل هدد ... وضرب وجه الزجيه وعنها متردد
اقسم بيوم الدين ... هذا العصرها
مجتفوف ابوالحسنين ... هذا العصرها
كل الجمع محتار ... ابدار الزجيه شصار
ـــــــــــــــــــ
نادى الهادي بسمه اعترف يفلان ... خالفتو وصيتي هجرتو الثقلان
حرفتو العهد انكرتو القراءن ... مأواكم جهنك اسفل النيران
البضعه بضلع مكسور ... ربها جبرها
قصور وخدمها الحور ... ربها جبرها
وتتناقل الاخبار ... ابدار الزجيه شصار