السبت، 19 يناير 2013

لحظة وداع__باسم الكربلائي1434


 لحظة وداع يكرار يكرار ** والحلم ضاع يكرار يكرار
               ادري اليروحون لامايرجعون
____________________________
تنادي فاطمة وتهل دمعها وابو الحمله مشى وماجن سمعها
يشاهد محسن وينظر وضعها يحيدر فاطمة كسروا ضلعها
ابني مجتول يكرار يكرار   **  منهو مسؤول يكرار يكرار
                وين اليحامون لاما يرجعون
______________________________________
عدو الله غدر بيك ووغدرني بين الباب والحايط عصرني
صحت بوية وعلى وجهي سطرني اتمنيتك يبو حسين تحضرني
  عينك تشوف يكرار يكرار **انته مجتوف يكرار يكرار
                يا دمع العيون لا مايرجعون
_______________________________________
كسر ضلعي نسيته بهالرزية شفت محسن جتيل بين ادية
والاصعب يا علي غيابك عليه خذوك مكيد وتنظر اليه 
دمعك يكوت يكرار يكرار **صبرك يطول يكرار يكرار
                ياللي تنوحون لا مايرجعون
_______________________________________
اعاين زينب تعاين لبوها واجت تجري الدمع عالفاركوها
حسن يحسين صاحتهم واجوها اختكم راحت امها وراح اخوها
محسن يروح يكرار يكرار **فاطمة تنوح يكرار يكرار
               كل اليروحون لامايرجعون
________________________________________
لون ما ينجتل محسن يزهرة ترة عبدالله محد كطع نحرة
اذا ضلعج يالمج صاار كسرة حسين الخيلى تلعب فوك صدرة
زينب تصيح يكراريكرار** تمشي وتطيح يكرار يكرار
                     تسمع يكولون لا مايرجعون
________________________________________
                                   تمت
))))
للاستماع اضغط هنا::
http://www.youtube.com/watch?v=cjcDM9SvaZg

الثلاثاء، 15 يناير 2013

يايمه0مكسورضلعج فاطمه__عدنان منعم


يايمه0مكسورضلعج فاطمه00يايمه بالباب انتي امئلمه
000000000000000000
اه يايمه عـــــــــــــــليج اجري الدمع
ساعه عالمحـسن وساعله اعله الضلع
كلبي لمصـــــــــــــــابج ييمه منوجع
عصرها0ويدرون بنت المصطفى
عصروها0بعدج علا الدنيه العفى
000000000000000000000
ماسمعتو طه عالزهره شـــــــــيكول
يغضب الباري الغضــــبهه ظل يكول
عصرو التوحيد والــــــحق والاصول
ضربوها0ويدرونهه ام النبي
ضربوها0جرد الصارم ياعلي
000000000000000000000
تردفت عالزهره نكــــــــــبات الزمن
طه غاب وطاحن اعليــــــــــهه الفتن
والمصايب عالزجيه اتحـــــــــــزمن
ظلموها0وحكهه انسلب ياحيدره
ظلموها0انهض ياقالع خيـــــبره
00000000000000000000
اه يالبسمار تذبح فاطــــــــــــــمه
وهيه تدري عالرسول امئلــــــمه
بالحشرفاطم عليكم ناقــــــــــــــمه
مفجوعه0بالمحسن وكسر الظلع
مفجوعه0يشرحلك الحاله الدمع
00000000000000000
بالوصيه اتجتف الوالي علــــــي
يعين حيدر والله بالهم مبتــــــلي
لوما امر الباري يكــــلبهه الولي
يفنيهه0 بس الوصيه والوعد
يفنيهه0 بس هوه مايخلف عهد
0000000000000000000
اه يافاطم الج دمعــــــــــــي جـــره
كون شفتي حسين مدمي عالــــثره
ويمه غافي الهيبه سبع الكــــنطره
كوميله0مذبوح مدمي بالكربله
كوميله0ياهو اليرد القافلـــــــه
000000000000000000
خادم الحسين0عدنان منعم

يالمحسن تانيني__قناة المهدي

يالمحسن تانيني لا ترحل عن عيني
اخذني وياك ابد منساك لاترحل عن عيني
*****
خلف  الباب عصروني ونار الفاجعه تسعر
صحت من هجموا لداري كسروا ضلعي ياحيدر
والمحسن سقط يمي وجف من الضرب احمر
انا بنت النبي واشعر هذا العالم اتغير
اتحمل واتامل بس طفلي يبقالي
على رغم عداك ابد منساك  لاترحل عن عيني
****
يسلطان القلب يانور يتخاوى ويه رمش العين
يبسمه من ثغر دامي كاصد يا حبيبي وين
امك انا يالمحسن اشيلك من لظى الضلعين
اشيل بكفي الامك وبالثاني رضيع حسين
جار البين بين اثنين حيرني ودهش بالي
عكب عيناك ابد منساك لاترحل عن عيني
*****
شفتك طيف يتهادى بدر عن عيني باجر غاب
والنوب اكعدت وحدي وطابت كعدتي ويه الباب
ياباب الحزن تدري بصدر الزهراء كم اصواب
كسر ضلعي وفكد محسن قلبي من النوايب ذاب
والغربة شكثر صعبه يا شمعه امالي
صعب فركاك ابد منساك لاترحل عن عيني
*****
افرشلك دمع عيني واشيل ضلوعي واتألم
واعبر ياسند عمري يكل جروحي والبلسم
انا امك يالمحسن والله بحالتي اعلم
سهم الجور راميني وبصدري ترة اتحكم
ليش تروح يبعد الروح لاتتركني لحالي
القلب ناداك ابد منساك لاترحل عن عيني
*****

للاستماع اضغط هنا

http://www.youtube.com/watch?v=e6sRro1GDw0


الاثنين، 14 يناير 2013

كـلما تكـثّـر سيل دمعتها عيني__للشاعر خادم الحسين جابر الكاظمي


كـلما تكـثّـر سيل دمعتها عيني
وعـيّـت تخمـّـد نار جمرة حنـيـني
بالنايـبات الروح علنت فزعـها
وملّت بيابي العين من صب دمعها

انا الذي بالباب كسرو ضلعهـا
وانرسمت بعـيناي طيـحـت جنـيني

ابني الوكع حرموه طيب النسايم
خـذني الاجل وعـليه دلاّلي حايـم

روحي الحزينه تنوح نوح الحمايم
وتنـوّح البرهان كسـرة ونيـني

أ يا جنيني الطاح حرمــوني منّـه
أنحب واوّن عليه ونّه على ونّه

طـاح وايادي الموت منّي خذنّـه
راح وبعد بالطيف ما ظن يجيـني

كـبل الولاده وغاب كوكب حياته
ما لحّــك يناغــوه أمـه وخواتــه

بدال المهد نيمــوه بحفرة ممــاتـه
وما مسّدت عالراس راحة يميني

اسهر واحاجي العين يا عيني يمكن
ابني يجيني بطيف وعليّ يحسن

وجرح الدليل يصيح محسن يا محسن
بموتك دهاني وحان هالليله حيني

محسن يا محسن ريت حانت وفاتي
موتك كطع بتّيـّن عمري وحياتي

وين اهرع ليا صوب من نايباتـــي
حتى الممات اليوم اصبح ظنيني


الخميس، 3 يناير 2013

العادة الناس تروح الشام تعزي الحورة هالايام _معاتيق1434


كرب اربعين حسين ونسا ورجال مشايه
ورقيه تمشي عالجدمين وزينب تحمل الرايه
العادة الناس تروح الشام تعزي الحورة هالايام
تعزيها بلطم وبنوح وبزفرة وحزن والام 
ويكضو الاربعين هناك ويعزوا الاكبر وجسام
وناس تروح ارض الطفف من ارض الشام عنايه
,,,

لكن هالسنه استوحش ماحد راح بعياله
لامشاي ولا راكب وكبرها ما احد جاله
رقيه تصيح يا عمه ماحد جاني باطفاله
انا العاده اشوف اطفال حولي وتحجي ويايه
‘‘‘
خلنا نروح ياعمه خلنا نشيل ونسافر لرض الطفوف ياعمه
نزور الي ظل مطروح وجسمه مخضب بدمه
خلنا نروح مشايه مع النسوان وبهمه
انا بمشي مع الاطفال وانتي مع النسوان مشايه
***
حطت ايدهه زينب بيد الطفله مهمومه
ومشت وياهه بين الهناس وذكرت مشيت الحومه
تكله جيتك يالغريب اليوم بسك كوم من النومه
اصيح بصوت يامظلوم جيتك خوية مشاية
شافت حرمة بين الناس نوب تكوم نوب تطيح
تتوكه على اختها جيتكياعزيزي تصيح
والثنتين مفجوعين وسرعتهم مهب الريح
وحده رافعه الجفين ووحده بفزعه بجايه
حسيـــــــن يا حسيــــــــــــــــــن
**
وحده تبجي ويلي بنوح وتكلها يختي سنديني
ترة وصلنا ارض الطفوف اعزيج وتعزيني
خلنا نروح للعباس وارويه بدمع عيني
وتالي نروح للمظلوم نمشي لكبرة حفايه
**
عرفت زينب الثنتين يمشوا بهيبه بين الناس
الحرمه الاولى ام حسين واما الثانيه ام عباس
صاحت يمه نظريني انا زينب معايا الراس
انا جيت لكربلا بنوحي وجبت هموم ويايه
**
ضمت زينب الزهراء يم الكبر بالاحضان
يفجعه وطاحو الثنتين يصيحو بصوت يا عطشان
اجيتك يا بعد عمري وجبت وياي الك اكفان
اريد ادخل وسط كبرك ودمك يبني حنايه
**********************
ياهي ليلة اربعينك ياحسين
**
جينه للطف وعلى اعتابك نطيح
وانت اعرف بالي يركض للضريح
والي يزحف ويالثاراتك يصيح
**
بساجينه واحنه للمرقد نزور
وبس مشينه شفنه زينب بالحبور
بالسكينه تبجي لجلك يالغيور
وتشيل بيديها الرايه
وتصيح ويه المشايه
**
مانعوفك يا ابو الشيب الخضيب
مانعوفك يا ابو الشيب الخضيب
مانعوفك يا ابو الشيب الخضيب
بس نشوفك نبجي ونبدي النحيب
وبطفوفك يالي ظل جسمك سليب
يحسين كلنا خطارك
للموت نبقة زوارك
**
هالمسيه رد الك ضعه السبه
بالرزية تبجي لك يبن العبه
بلا رقيه والمدامع ساكبه
بالام يتعب احساسك
بالشام ماتت يم راسك
**









الثلاثاء، 1 يناير 2013

أنا الزهرا أنا الزهرا _زكي الياسري النجفي1434


أبتاهُ يـــــا ابتــــــاهْ ... صَرَخاتـــي وا غوثاهْ
بعدك شيداوي اجروحي .. يا ابا القاسم
ما يوگف ونـّي ونوحـي .. وأللهُ العالِـــم
1
أنا الزهرا أنا الزهرا
وعَليك ادموعي فوكَـ اخدودي أجريها
يبويه والهظـُم خيّـــــــــم تـــرا اعليها
حياتي هَم حياتي هم
وأيامـــــي غِـــدَت تشبــــــــه لياليهـا
وإلك يا بويه بس لوعاتــــــي أشكيها
دفـَع بابي دفـَع بابي
يبويه و نــــار هالحاقـــــد شِعَـل بيها
و غيرك بويه ناري منهـــــو يطفيها ؟
شبّت نيران ابكَلبي .. وابّاب الدار
و ابصدري آيا ربي .. نابت بسمار
أبتاهُ يـــــا ابتـــــاهْ ... صَرَخاتي وا غوثاهْ
2
دمع عيني دمع عيني
مافارگ يبويــــــــه الفگـــــدك الخدين
من وين الصبر يابويـــــه اجيبـه منين
وليل انهار وليل نهار
وَلا لحظـــه نسيتـك يا سُــــــرور العين
واعليك الـدمِـع يابويه كــَــت صوبيـــن
شهيد الله شهيد الله
وعلي وزينب يبويه والحســن وحسين
ودار احزاني شاهــد علهظــــم و البين
يابويه ابدار احزانـي .. دمعـي جاري
وحزني الأصَبح قرآني .. وانته داري
أبتاهُ يـــــا ابتـــــاهْ ... صَرَخاتي وا غوثاهْ
3
عجيبه الناس عجيبه الناس
يبويه ابغيبتك نِكْــــــــــــرَو كرامتنـــــه
و بالقـــــرآن مذكــــــــــوره مَوَدتنـــــه
ويعادونـــــه ويعادونــــــه
عَـلـَـن يابويــــه علنوهـــــــــه عداوتنه
و بعدك بالحطـــب والنــــــار حاطتنــــه
وظـُلامتنـــه وظـُلامتنــــه
يبوية اصبَحَـــت سُنــّــــــــــــه ظـُلامتنه
و الدمعات صـــــــارت ويلــــي سلوتنـه
غصبوا كل حگ العتره .. بالضغينـه
وماظل ناصر للزهــــره .. بالمدينـــه
أبتاهُ يـــــا ابتـــــاهْ ... صَرَخاتي وا غوثاهْ
4
حسد واحقاد حسد واحقاد
و انكشفت بعد عينـَـــك فضيحتهُـــــــــم
وگبل ما تندفن عقــــدوا سقيفتهـــــــــم
فدك راحـــت فدك راحــت
بَعدك بويـــــــــه علنـــوهـــه خِــيانتهُم
والشيطــــان أعماهــــــــــه البصيرتهم
عقيدتهُــــم عقيدتهُـــــم
معالمهـــــــــــــه يهوديـــــــه عقيدتهُـم
وابظلمي انكشـــف واقـــــــع سريرتهم
من بعدك يا والينــه .. فرهِدونه
وبسم المَعبود ودينه .. حاربونه
أبتاهُ يـــــا ابتـــــاهْ ... صَرَخاتي وا غوثاهْ
5
أريد الموت اريد الموت
ماريـــــــد العُمر يابويـــــــــه من دونك
تعال و شوف حالـــــــــي بويــه بعيونك
علي مچتوف علي مچتوف
ابوصيتك بويه يالقانونــــــــــــه قانونك
عَهَد مَعهود ثابت بينـــــــــــهِ و بينــــك
وَفه الكرار وَفــــــه الكرار
صانك بويه من غيـــــــره علي يصونـك
ويدري بالجمع يالمُصطفـــــــــى ايخونك
لولا اوصيتك ماگدرَوا .. يچتِفونه
لا ولا حگي وحگه .. يغصِبـــونه
أبتاهُ يـــــا ابتـــــاهْ ... صَرَخاتي وا غوثاهْ
زكي الياسري النجفي

واويلي على المظلوم __حيدر تركي الكربلائي1434



واويلي على المظلوم ** واويلي على المظلوم
ــــــــــــــــــــــــــــــــــــــــــــــــــ ـــ
زينب نـــادة اللـــيله .. واويلي على المظلوم
ودمع الفاجعه اتسيله.. واويلي على المظلوم
ماظل والـــي تشـكيه.. واويلي على المظلوم
من الفعلته هالگـــوم.. واويلي على المظلوم
ــــــــــــــــــــــــــــــــــــــــــــــــــ ــ
صاحت مـن مصيبـتهه .. واويلي على المظلوم
اشحال الفاگده اخوتهـه .. واويلي على المظلوم
المن تبــدي شـــكوتهه .. واويلي على المظلوم
وذبحو كل زلمها اليوم .. واويلي على المظلوم
ــــــــــــــــــــــــــــــــــــــــــــــــــ ـــــ
حسيـن اتــصيح يالوالي .. واويلي على المظلوم
خويه عـــايــن الحـــالي .. واويلي على المظلوم
والله انصـــاب دلالــــي .. واويلي على المظلوم
وگلب اختك صفه مالوم .. واويلي على المظلوم
ــــــــــــــــــــــــــــــــــــــــــــــــــ ــ
اشحال اختك يواليهه .. واويلي على المظلوم
من الشـــمر يسبــيهه .. واويلي على المظلوم
وبسيـــاطه يــأذيـــهه .. واويلي على المظلوم
وين البالـــخدر ملزوم .. واويلي على المظلوم
ــــــــــــــــــــــــــــــــــــــــــــــــــ ـــــــ
من شــــافت ابــو اليمــه .. واويلي على المظلوم
جســــمه سابــح ابـــدمه .. واويلي على المظلوم
اجت يم نحــره تشـــتمه .. واويلي على المظلوم
اوياي اتگله ريت اتكوم .. واويلي على المظلوم
ــــــــــــــــــــــــــــــــــــــــــــــــــ ـــــــــ
تحـــن ومــا ســـمع حنـــها .. واويلي على المظلوم
نوايـــب فگـــده صـــابنـــها .. واويلي على المظلوم
انگــطع مـن الاخـــو ضنها .. واويلي على المظلوم
وحزنها اعله الوجه مرسوم .. واويلي على المظلوم
ــــــــــــــــــــــــــــــــــــــــــــــــــ ـ
تجري ادموع عيــناها .. واويلي على المظلوم
فـــگــد الاهـــل اذاهـا .. واويلي على المظلوم
عـــالتــربان ولــــياها .. واويلي على المظلوم
وظلت بالخياتم اتحوم .. واويلي على المظلوم
ــــــــــــــــــــــــــــــــــــــــــــــــــ ــــــــ
تمت والحمد لله في 14\11\2012
خادم الحسين حيدر تركي الكربلائي

هاي هيه ...عمر فاروق البدراوي1434



هاي هيه .. زينب المظلومه بت حــامي الحـميه
هاي هيه .. يا وسـف عكَـب الكَمر صـارت سـبيه
جتي للكوفه غـصب .... تمشي ما بين الغرب
هاي هيه !
****
يا علي ابكَبرك تنام وهاي زينب جت يسيره
لا ولي ولا حامي عدها والنـظر عنك تديره!
ما تـريد اْتشـوف حــال الجانت اْبجالك أميره
جابوها يـمـك يـا وسف ..... ومستهزء اْلشامت هتف
يا بت علي هاي النجف ..... وين أبوج الكلّه غِـيره ؟
هاي هيه .. يا علي زينب إجتّ اْبـلايه والي
هاي هيه .. صد متنها اْشعامله بيْه الليالي
اْبسوط زينب تنضرب .... تمشي ما بين الغرب
هاي هيه !

زينب لفت لحسين يوم اربعينه_حيدر تركي الكربلائي1434

هذا البچـي والنوح مـن الحنينه 
زينب لفت لحسين يوم اربعينه
ــــــــــــــــــــــــــــــــــــــــــــــــــ ــــــــــــــــــــــــــــــ
ابهم وحزن . تبچي وتحن . من وصلت الطف كربله
ماظل گلب . موقف صعب . موسهله هــــاي المسأله
لحسين اجت . وتــألمـــت . ابـــهم ومصاب امــحمله
سال الدمع . من هالوضــع . حين الگــبر صـدت اله
من يجبره مكسور گلب الحزينه
زينب لفت لحسين يوم اربـعينه
ــــــــــــــــــــــــــــــــــــــــــــــــــ ــــــــــــــــــــــــــــــ
ماظل صبر . يــم الگــــبر . گــعدت تريد اتكلمه
اتگله اشبده . مــن العــده . خلـــوني ليش امألمه
سوط الشمر . لمن يمــر . ياخـــويه حيلي ايهدمه
گتله السبي . جدي النبي . لو شافه هسه وفاطمه
تتـــصور المختار يقــبل علينه
زينب لفت لحسين يوم اربعينه
ــــــــــــــــــــــــــــــــــــــــــــــــــ ــــــــــــــــــــــــــــــ
تشكي الجره . وتخبره . عـــن الــمرار الــشافته
شافت إلـم . منهه انتقم . للـــوالي هـــيه شــرحته
ابدرب السفر . كثره القهر. اختك يخـوهه عرفته
ردتك الـــــي . والله ولـــي . تدفع خطرهم محنته
مابيـهه بس معلول تدري الظعينه
زينـب لفـــت لحسين يوم اربعينه
ــــــــــــــــــــــــــــــــــــــــــــــــــ ــــــــــــــــــــــــــــــ
الهم انطــرح . الگلب انفتح . يم گبر ابو اليمه الولي
شحچي الــك . اتـــــامــــلك . صدرك ابهمــي يمتلي
تدري العده . حتـــى الـرده . سلبــوه واصرخ ياعلي
صرت احتمي . من ظالمي . ابچفي اخافه ايصد الي
صاحت يخي تاذيك قصة سبينه
زينب لفت لحسين يوم اربعينه
ــــــــــــــــــــــــــــــــــــــــــــــــــ ــــــــــــــــــــــــــــــ
شدو حبـــل . بـيدي واهــل . دمع العيون الحـــالتي
متـــقيـــــده . مــــن العـــده . ما اگدر امسح دمعتي
ابسوط انظرب . وناري تشب . يمي تمنيت اخوتي
ابلايه ســـتر . وين الــــخدر . والله عظـــيمه بلوتي
راسك يحن اوياي واسمع آنـينه
زينب لفت لحسين يوم اربعينه
ــــــــــــــــــــــــــــــــــــــــــــــــــ ــــــــــــــــــــــــــــــ
راح انسـئل . لمــن اصل . لديـــاري شحچي عالجره
امنين ابتدي . ابدهري الردي . عن السلب لو منظره
لو حالــــتك . لـــو جثـــــتك . لمن بقـــت فوگ الثره
بيه جـــمر . مـــن الأســـر . وآهــــــاته بيه حــاظره
ابغيرك اروح اشلون لرض المدينه
زينب لفـت لحسين يـــوم اربــعينه
ــــــــــــــــــــــــــــــــــــــــــــــــــ ــــــــــــــــــــــــــــــ
تمت والحمد لله في 28\12\2012
خادم الحسين حيدر تركي الكربلائي